“ТАЗА ТАБИҒАТ” акциясы

Наш коллективда көктем келісімен, көгалдандыру маусымының ашылу рәсімін өткізу дәстүрі қалыптасты. Ағаш пен гүл көшеттерін отырғызу, мектеп ауласын тазарту - тазалықтың, жақсылықтың нышаны. 

Әрбір азамат қоршаған ортаны қорғау, таза ұстау, абаттан­дыру, көгалдандыру ісіне үлкен жауапкершілікпен қарағаны дұрыс деп санаймыз. Бұл – баршаға ор­тақ іс. 

Мектеп ұжымы, ата-аналар мен оқушылар бірлесе отырып “ТАЗА ТАБИҒАТ” акциясын ұйымдастырды. Атап айтқанда,  Попечительский советінің төрайымы Құлымбетова  Құлпынай Жақсылыққызы, кеңес мүшесі Белтенова Жанна Махаббатовна мен барлық сынып оқушыларының ата-аналары өз үлестерін қосты. 

Акция қатысушылары “Біз таза Қазақстан үшін!” ұранымен мектеп ауласына 150-ден астам ағаш көшеті мен гүлдер отырғызды. 

“Бұл шара жақ­сылықтың нышаны болып қана қоймай, елімізді көркейтуге, жасыл желекке айналдыруға қосқан білім ордамыздың  кішкентай ғана үлесіміз деп білеміз,” -деді мектеп директоры М.Б. Құткелдиева. 

Алдағы уақытта акция өз жалғасын тауып, абаттандыру науқаны жанданатын болады. 

#АлматыОблысы #ІлеАуданы #20ортамектеп