N1 педагогикалық кеңес өтті

 “Білімді ұлт: Терең білім, еңбекқорлық және отаншылдық қасиет” тақырыбында N1  педагогикалық кеңес өтті. 

 Кеңеске мектеп әкімшілігі, педагогтар қатысты. Күн тәртібіндегі мәселелер қаралды. 

Мектеп директоры 2022-2023 оқу жылында Қазақстан Республикасының орта білім беру ұйымдарында оқу-тәрбие процесін ұйымдастырудың ерекшеліктері туралы баяндама жасап, педагогикалық кеңес мүшелеріне таныстырды. Сонымен қатар “Мектепке жол” акциясының жүргізілу барысы жөнінде ақпарат берді. 

Директордың оқу-әдістемелік жұмыстар жөніндегі орынбасары Г. Абдраймова ағымдағы оқу жылындағы оқу-тәрбие жұмыстары мен мақсат-міндеттері жөнінде баяндады. 

Мейірхан Бектеміс жаңа жағдайдағы дарынды балалармен жұмыс жасаудың бағыттары бойынша ұсыныстар білдірді. 

Жиын соңында Педагогикалық кеңес төрағасы М. Бекбатырқызы Қаулымен таныстырды. Кеңес мүшелері бірауыздан қолдау білдіріп, жаңа оқу жылындағы міндеттерді айқындады.