«Мектепке жол» республикалық қайырымдылық акциясы
Алматы облысы, Іле ауданы, М.Түймебаев ауылы №20 орта мектепте Мектепке жол жыл бойы жалғасып келеді. Мектебіміздегі әлеуметтік статустағы оқушыларға көмек көрсетілуде.
Атап айтсақ, «Мектепке жол» республикалық қайырымдылық акциясы аясында көмек қажет ететін отбасыларға еріктілер мен демеушілер тарапынан 400000 (төрт жүз мың ) теңге көлемінде көмек көрсетілді. Оның ішінде ата-ана қамқорлығынсыз қалған 4 оқушыға , 35 аз қамтылған , 65 көпбалалы, 16 толық емес отбасынан шыққан оқушылары оқу құралдарымен қамтамасыз етілді.
Демеушілерімізді атап кететін болсақ М.Түймебаев ауылында орналасқан «Қағаз Lux» кәсіпорны , «Супер цена», «Арзан » дүкендері көмек қолын созды. Сонымен қатар, мұндай сауапты істен тыс қалмай, мектеп ұстаздары да аталмыш акцияға өз үлестерін қосуда.
Қайырымдылық акциясы барысында түрлі жұмыстар атқарылып, әлі күнге дейін жалғасуда.