Білім күні құтты болсын!

 Білім күні құтты болсын! 

 Білім ордамызда білім алушыларымыз үшін алғашқы қоңырау соғылды. Оқу жылының алғашқы шарасына 1-11 сынып оқушылары, ата-аналар, қонақтар қатысты. 

Салтанатты жиынды мектеп директоры М. Бекбатырқызы ашып, құттықтады. Оқу жылының басталуы жөніндегі бұйрықпен таныстырды. 

Республикалық, облыстық өнер байқауларының лауреаттары болған оқушыларымыз мектеп жайлы әндер шырқады. 

1 сынып оқушылары ата-аналарының атынан Айжан Маукенқызы мектеп табалдырығын алғаш аттаған бүлдіршіндерге ақ жол, білім жолында сәттілік тіледі. 

Білім ордамыздың ардагер ұстазы Бақытжан Қалмұрзаұлы мектеп ұжымы мен оқушыларды маңызды күнмен құттықтап, білім шыңына жетуге тілектестік білдірді. 

 Жаңа оқу жылында 248 бүлдіршін алғаш рет мектеп табалдырығын аттады.