Құттықтаймыз!

ҰСТАЗЫҢДЫ ҚҰТТЫҚТА!

Ұстаз болу – жүректің таңдауы, жанның қалауы. Бұл жұмыс ерекше жанкештілік, зор шыдамдылық пен балаларға деген махаббатты талап етеді. Еліміздің бетке ұстар азаматтарын тәрбиелеп, жауапкершілігі мол және абыройлы міндетті атқарып, ел алғысына бөленеді.

Осындай ұстаздарымыздың бірегейі Молдақұлова Роза Баялықызы - ардагер ұстаз, бүгінгі күні зейнеткерлік демалыстағы ардақты әже.

Іле ауданының білім саласына өлшеусіз үлес қосқан ардақты жанға қандай мадақтау айтсақ та жарасады.

Жәпек батыр ауылындағы #4 орта мектепте химия-биология пәнінің мұғалімі болып бастаған Роза Баялықызы директордың оқу ісі жөніндегі орынбасары, аудандық әдістемелік кабинетінің меңгерушісі болып ұзақ жылдар абыройлы еңбек етті. Зейнетке шыққаннан кейін де өзінен кейінгі жас буынға білім саласында жинаған өмірлік тәжірибесімен бөлісуде. Бұл - жас ұстаздарға ерекше сенім сыйлайды.

Осы сәтте, Ұлағатты Ұстазымызды кәсіби мерекесімен шын жүректен құттықтаймыз!