Облыстық педагогикалық "Үздік ауыл мектебі-2020" байқауы

Алматы облысының әкімі А.Баталов қолдауымен жыл сайын өткізіліп келе жатқан педагогикалық байқаудың бірі – «Үздік ауыл мектебі». Аталған іс-шараға қатысу Іле ауданы М.Түймебаев ауылының №20 орта мектеп мекемесіне бұйырды. Шығармашылық бағытта жұмыс істейтін үздік білім шаңырағын анықтап, озық іс-тәжірибені тарату, ауыл мектебін қолдау мақсатында өткізілген сайыстың бірінші кезеңінде білім беру мекемесі жетістіктерінің портфолиосы сараланды. Екінші кезеңінде мектеп моделі қорғалды. Бұл ретте ұстаздар білім берудің озық технологияларын қолдану аясымен таныстырып, нәтижелі жұмыс үлгілерін ортаға салып, мектептің жалпы ұстанған бағыт-бағдарын көрсетті.Байқау нәтижесінде Іле ауданы М.Түймебаев ауылының № 20 орта мектеп ұжымы II орынды еншіледі. Мектеп директоры Мейрамгүл Бекбатырқызы мен мектеп ұжымын жетістігімен құттықтаймыз!